«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Վտանգավո՞ր է, արդյոք, կորոնավիրուսը` հղիների համար: Մասնագետներն ասում են՝ ոչ

Վտանգավո՞ր է, արդյոք, կորոնավիրուսը` հղիների համար: Մասնագետներն ասում են՝ ոչ

2020 Մար 17, Երեքշաբթի

Մանկաբարձության և գինեկոլոգիայի Թագավորական քոլեջի փորձագետները կազմել են հղիների վարման նոր ուղեցույցները:
Համարվում է, որ հղիները գտնվում են գրիպից բարդությունների առաջացման մեծ ռիսկի տակ, քանի որ նրանց իմունիտետն այդ ժամանակահատվածում թույլ է և դժվարությամբ է պայքարում վարակների դեմ: Սակայն ներկայում հաստատված չէ, որ հղիներն ավելի ընկալունակ են կորոնավիրուսի նկատմամբ: Համարվում է, որ հղիներն այդ վարակը տանում են այնպես, ինչպես բնակչության մնացած մասը:


Բացի այդ, բացակայում է տեղեկատվությունն այն մասին, որ վիրուսը կարող է հղիության ընթացքում փոխանցվել պտղին, ինչպես նաև ապացուցված չէ վիրուսի փոխանցումը մայրական կաթով: Կրծքով կերակրման առավելությունները գերազանցում են կորոնավիրուսով վարակման բոլոր հնարավոր ռիսկերը:


Չինաստանում արձանագրվել է կորոնավիրուսով վարակման մեկ դեպք` հղիության երեսուներորդ շաբաթականում մի կնոջ մոտ, որին շտապ իրականացված կեսարյան հատման ժամանակ պահանջվեց թոքերի մեխանիկական օդափոխում: Այժմ նա գտնվում է լավացման փուլում:  Հղիների մոտ կորոնավիրուսից մահ չի արձանագրվել:


Հղիների վարման նոր ուղեցույցները ստեղծվել են Մանկաբարձության և գինեկոլոգիայի, բուժքույրերի, մանկաբուժության և մանկական առողջության Թագավորական քոլեջների կողմից:

Այնտեղ ներկայացված են հետևյալ խորհուրդները.


1. Ճանապարհորդող հղիներին խորհուրդ է տրվում ևս մեկ անգամ համոզվել, որ ապահովագրությունը հոգում է ծննդաբերության և նորածնի խնամքի բոլոր ծախսերը:
2. Կորոնավիրուսի վարակի կասկածով հղիներին խորհուրդ է տրվում ինքնուրույն չայցելել պոլիկլինիկա, այլ սկզբում հեռախոսով խորհրդակցել բժշկի հետ:  
3. Նրանք, ովքեր ժամանել են կորոնավիրուսի վարակման բարձր ռիսկի շրջաններից կամ շփվել են կորոնավիրուսով հիվանդի հետ, խորհուրդ է տրվում այդ մասին տեղեկացնել բժշկին:   
4. Եթե բժշկի կողմից հաստատվել է կորոնավիրուսով վարակումը, հղիին խորհուրդ է տրվում 14 օր չայցելել հասարակական վայրեր, չօգտվել հասարակական տրանսպորտից, մնալ տանը և հյուրեր չընդունել: Խորհուրդ է տրվում նաև օդափոխել տարածքը, հնարավորին քիչ շփվել ընտանիքի մյուս անդամների հետ, օգտվել առանձին սրբիչից և սեղանի պարագաներից:
Մանկաբարձության և գինեկոլոգիայի Թագավորական քոլեջի նախագահ Էդվարդ Մորիսը հաստատել է տեղեկատվությունն այն մասին, որ հղիությունը կնոջն ավելի ընկալունակ չի դարձնում կորոնավիրուսի նկատմամբ, ինչպես նաև չկան պտղին վիրուսի փոխանցման մասին վկայող ապացույցներ: Նա նաև հաղորդեց, որ ուղեցույցները կթարմացվեն նոր տեղեկատվության ի հայտ գալուն պես:


+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը