«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 42-րդ շաբաթ

Հղիության 42-րդ շաբաթ

2020 Դեկ 09, Չորեքշաբթի

Ապագա մոր որովայնում երեխայի զարգացումն ավարտված է: Մոտակա ծննդաբերության նշաններն են՝ քիչ քանակի արյունային արտադրություն, որովայնի իջեցում և լորձային խցանի հեռացում: Այդ նախանշանների բացակայության դեպքում հարկ է բժիշկը ծննդաբերության ստիմուլյացիա առաջարկի:

Պտղի զարգացումը
Հղիությունն այս ժամկետում հաճախ դառնում է գերհասուն՝ հաստանում են փոքրիկի գանգի ոսկրերն ու գաղթունները, ինչի պատճառով նրա գլուխն ավելի դժվար կփոխի իր ձևը` ծննդաբերական ուղիներով անցնելիս: Այնուամենայնիվ, դա միշտ չի լինում: «Չափազանց երկարատև» հղիությունը կարող է լինել նաև ոչ գերհասուն, այսինքն, միանգամայն նորմալ: Բժիշկները հղիությունը կարող են համարել երկարաձգված, եթե հղիի դաշտանային ցիկլը եղել է 30 օրից ավելի (ասում են, որ կինը երեխային պետք է կրի 10 ցիկլ, այնպես որ, որքան ցիկլը երկարատև է, այնքան էլ երկար կլինի հղիությունը): Երկարաձգված կարող է համարվել նաև այն հղիությունը, որի ժամանակ ձվազատումը և (բեղմնավորումը) տեղի է ունեցել ավելի մոտ ցիկլի վերջին: Երեխային սովորականից ավելի երկար կրելը կարող է փոխանցվել նաև ժառանգորեն:

Մոր վիճակը
Ծողովրդական խոսք կա. «Ամբողջ կյանքում հղի չես մնալու»: Այնուամենայնիվ, բժիշկը իր պացիենտին թույլ չի տա փորձել այդ ասացվածքը և մնալ հղի վիճակում 42 շաբաթից ավելի: Նա կառաջարկի ծննդաբերության ստիմուլյացիա: Երեխայի զարգացումն արդեն ավարտված է, պլացենտան կատարել է իր գործը և «հոգնել» է, այդ պատճառով երեխան ստանում է ավելի քիչ օգտակար նյութեր: Ներարգանդային կյանքը շարունակելու իմաստը նվազագույն է:
Եթե պլացենտան սկսել է ծերանալ, իսկ արգանդի վզիկն առաջվա պես պինդ է, չի բարակել և չի բացվել, բժիշկները կփորձեն դրդել ծննդաբերական ակտ՝ կներմուծեն հորմոններ (պրոստոգլանդիններ), կբացեն պտղային բուշտը կամ կդրդեն բացումը` լամինարիա ջրիմուռի օգնությամբ, որը ներդրվելով արգանդի վզիկում, ուռչում է և բացում այն: Ծննդաբերական գործունեությունը ինչ-որ չափով դրդում է նաև հոգնան, որը որոշ ծննդատներում ծննդաբերությունից առաջ առաջարկում են հղիին: Եթե ծննդաբերությունն արդեն սկսվել է, բայց գործընթացն ընթանում է շատ դանդաղ, ու փոքրիկի կյանքի համար վտանգ է սպառնում, բժիշկը կարող է ստիմուլի ծննդաբերությունը` ներարկելով օքսիտոցին:

Ի՞նչ անել
- Ազատ ժամանակ կարելի է կրկին անգամ ստուգել պատրաստած պայուսակը, այնտեղ դնել տարբեր մանրուքներ, օրինակ, հեռախոսի լիցքավորման սարքը, գիրք, որով ավելի հետշտ կլինի դիմանալ կծկումներին:  Եթե ծննդատան կանոնները թույլ են տալիս, կարելի է վերցնել նաև սեփական բարձիկը, որպեսզի կծկումների ժամանակ հնարավոր լինի ավելի հարմար դիրք ընդունել:

- Գնալ ծննդատուն, եթե ջրերը հեռացել են և սկսվել են կծկումները:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը