Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Մետրոսալպինգոգրաֆիա

Մետրոսալպինգոգրաֆիա

2021 Սեպ 14, Երեքշաբթի

Որոշ դեպքերում, հատկապես, եթե կնոջ մոտ անամնեզում նշվում են վիրաբուժական միջամտություններ, բժիշկը կարող է արգանդի փողերի հետազոտման համար դիմել ավանդական մեթոդներից` մետրոսալպինգոգրաֆիային (ՄՍԳ):

Մետրոսալպինգոգրաֆիան ռենտգենոլոգիական հետազոտություն է` ռենտգեն կոնտրաստ նյութի կիրառմամբ, որը հնարավորություն է տալիս բացահայտել արգանդի զարգացման արատները, ներխոռոչային գոյացությունները, էնդոմետրիումի հիվանդությունները և այլն: Այն թույլ է տալիս նաև գնահատել արգանդի և նրա փողերի կառուցվածքը, հայտնաբերել անանցանելիությունը, փոքր կոնքում կպումների առկայությունը և այլ պատճառներ, որոնք կարող են խոչընդոտել բեղմնավորման գործընթացին: Այս մեթոդն ախտորոշիչ բարձր ճշգրտություն ունի:

Ինչպե՞ս է իրականացվում

Հետազոտությունն իրականացվում է ասեպտիկ պայմաններում, ռենտգեն կաբինետում, ռենտգենոսկոպի միջոցով: Կնոջ արգանդի պարանոցով ներդրվում է կաթետր, և արգանդի խոռոչը դանդաղ լցվում է մոտավորապես 3 մլ մարմնի ջերմաստիճանի ռենտգեն կոնտրաստ նյութ: Այդ նյութը տեսանելի է դարձնում օրգանի ներքին կառուցվածքը: Կատարվում են արգանդի խոռոչի գնահատման առաջին լուսանկարները, որից հետո լցվում է լրացուցիչ ռենտգեն կոնտրաստ նյութ` արդեն արգանդի փողերի մեջ, և 20-30 րոպե անց կատարվում են լրացուցիչ լուսանկարներ, որոնք օգնում են պարզել ֆալոպյան փողերի անցանելիությունը:

МСГ հետազոտության ողջ ընթացքում բժիշկ-ռենտգենոլոգը օգտագործում է մոտ 7-10 մլ կոնտրաստ նյութ: 3-7 օր անց կոնտրաստ նյութը հեռանում է օրգանիզմից բնական ճանապարհով:

Մետրոսալպինգոգրաֆիա. Նախապատրաստումը

Դաշտանային ցիկլի ժամանակ, որի ընթացքում կինը պլանավորում է արգանդի փողերի անցանելիության հետազոտությունը, նրան խորհուրդ է տրվում պաշտպանվել հնարավոր հղիությունից:

Հետազոտության նախապատրաստման համար անհրաժեշտ է

Իրականացնել մի քանի անալիզներ.

•    Արյան հետազոտություն ԴԻԱՎ-ի, սիֆիլիսի, հեպատիտ B և С-ի համար: Արյունը վերցվում է երակից օրվա ցանկացած ժամի /արդյունքը վավեր է 3 ամիս/
•    Հեշտոցից քսուք վերցնել միկրոֆլորան պարզելու համար /արդյունքը վավեր է 1 ամիս/

Սովորաբար բժիշկը խորհուրդ է տալիս հետազոտվել դաշտանային ցիկլի 6-10-րդ օրը /դաշտանից հետո/ կամ ցիկլի 16-ից մինչև 20-րդ օրը /օվուլացիայից հետո/:

Մետրոսալպինգոգրաֆիայից առաջ 2-3 օրվա ընթացքում, կնոջը խորհուրդ է տրվում հրաժարվել աղիներում գազեր առաջացնող սննդից /հաց, լոբազգիներ, կաթնամթերք, գազավորված ըմպելիք/:

Անզգայացում չի կիրառվում, քանի որ հետազոտությունը ոչ ինվազիվ է, անցավ, սակայն կնոջ մոտ կարող են առաջանալ աննշան սպազմներ: Այդ պատճառով մեկ ժամ առաջ նա պետք է ցավազրկող ընդունի: Ցավը կարող է նաև առաջանալ հետազոտության վախից: ՄՍԳ հեշտ իրականացնելու համար կարելի է նաև հանգստացնող պատրաստուկ ընդունել:

Հետազոտման հակացուցումներ են՝ կոնտրաստ նյութի նկատմամբ ալերգիան, սուր ցերվիցիտը, արգանդի և նրա փողերի սուր բորբոքային հիվանդությունները:

+374 10 53 06 41

Վերջին թարմացումներ

Կարդալ ավելին»
2024 Մար 13, Չորեքշաբթի | Լուրեր

Կայացավ «Սուր փուլի պատասխան» թեմայով դասախոսությունը

Մարտի 5-ին Մոր և մանկան առողջության պահպանման ԳՀԿ-ում (ՄՄԱՊԳՀԿ) տեղի ունեցավ «Սուր փուլի պատասխան» թեմայով դասախոսությունը, որի շրջանակում ելույթով հանդես եկավ Երևանի Մ․ Հերացու անվան պետական բժշկական համալսարանի...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Փետ 16, Ուրբաթ | Մասնագետների համար

Կլինիկական դեպք․ արգանդի սպիի շրջանում հայտնաբերված հեմատոմայի հեռացում

Բուժառու Ս.Ս., 30 տարեկան, ՄՄԱՊԳՀԿ է դիմել՝ գանգատվելով 1,5-2 ամիս սեռական ուղիներից չդադարող...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը