Մասնակցել կարող են ամուսնական զույգերը, հղիները,
հետծննդաբերական շրջանում գտնվող կանայք։

Մայրության դպրոցի դասընթացներն անվճար են։

Հարցերի և գրանցման համար կարող եք զանգահարել հեռ.՝ +37491360696

Նպատակը և խնդիրները

• ամուր ընտանիք,
• ծնողների պատասխանատվության ձևավորում սեփական առողջության և ապագա երեխայի առողջության նկատմամբ՝ հղիության պլանավորման, հղիության, ծննդաբերության և հետծննդյան շրջաններում,
• մոր և մանկան փոխհարաբերությունների մշակույթի ձևավորում,
• ընտանիքում բժշկա-հոգեբանական աջակցության կազմակերպում և ծնողների պատասխանատվության ձևավորման մոտեցումների տեսական վերլուծություն:

Դասընթացի խմբերը

• 1-ին խումբ: Նախատեսված է մինչև 22 շաբաթական ժամկետ ունեցող հղիների համար` ամեն շաբաթ, 1,5 ժամ տևողությամբ, 7 պարապմունք:
• 2-րդ խումբ: 22-37 շաբաթական ժամկետ ունեցող հղիների համար` ամեն շաբաթ, 1,5 ժամ տևողությամբ, 7 պարապմունք:

Դասընթացի  տևողությունը

• տեսական մաս 30ր
• տեսաֆիլմեր 10ր
• գործնական հմտություններ 30ր
• ոչ ֆորմալ ժամ 20ր

Դասընթացի վարման կարգը

• Տեսական գիտելիքներ.
• տեղեկատվության հակիրճ տրամադրում` ըստ ԱՆ համապատասխան հրահանգի,
• 5 դասընթաց` հղիության, ծննդաբերության, հետծննդյան շրջանների ընթացքի, բարդությունների և այլնի մասին,
• 1 դասընթաց` կրծքով կերակրման մասին,
• 1 դասընթաց` հոգեբանական աջակցության հարցերի մասին:

• Դասընթացի ամրապնդում` տեսագրությունների, ֆիլմերի ցուցադրմամբ.
• Ծննդկանն` ընդունարանում (կշռում, չափումներ, անկետայի լրացում, ճնշման չափում, երեխայի բաբախյունի լսում, ԿՏԳ, նմուշների վերցնում` անհրաժեշտ հետազոտությունների համար):
• Նորածնի ծնունդ` մայր-պտուղ մաշկային շփում, պորտալարի կտրում, նորածնի կշռում ու չափում, առաջին անգամ կրծքին մոտեցում:
• Հետծննդյան շրջան` սնունդ, մոր և նորածնի նկատմամբ հսկողություն:
• Նորածինների պատվաստում, սրտի, ականջի, կոնքի , կրունկից սկրինինգային հետազոտությունների անցկացում

Գործնական դասընթաց

• վարժություններ` հղիության ընթացքում՝ ոտքերի, ողնաշարի ծանրաբեռնվածությունը թուլացնելու, կոնքի մկանների ամրապնդման համար,
• շնչառական վարժություններ,
• ռելաքսի վարժություններ,
• ծննդաբերության ընթացքում` մեծ փափուկ գնդակներով շնչառական վարժությունների, ակտիվ կամ պասիվ դիրքի, հոգեբանական աջակցման, հարազատի (ամուսին, քույր, ընկերուհի, մայր և այլն) ներկա գտնվելու առավելությունների և թերությունների, ցավազրկման առավելությունների , հնարավոր բարդությունների  մասին պատրաստվածություն
• հետծննդյան շրջանում խնամքի (կրծքագեղձերի, ատամների, մաշկի, եղունգների) գործնական օգնություն,
• նորածիններին լողացնելու, հիգիենիկ խնամքի գործնական պարապմունքներ:

Ոչ ֆորմալ ժամ

• Ծանոթացում Մարգարյան ծննդատան հետ,
• գրավոր հարցումներ (նախորդ հղիությունների քանակը, տարեթիվը, ծննդաբերության և հետծննդյան ընթացքը, երեխայի ծնվելու, կերակրման, խնամքի հարցերը, տպավորությունները,
• ընտանիքի պլանավորման քննարկում, անցանկալի հղիություններից պաշտպանվելու, սեռով պայմանավորված հղիության ընդհատումների, սեռական կյանքի (հղիության և ծննդաբերությունից հետո), ամուսնու, տատիկների կամ հարազատների դերի (դրական և բացասական) մասին` հղիության, ծննդաբերության և հետծննդյան շրջաններում:
• քննարկումներից հետո առաջարկների քննարկում և վերլուծում,
• փոքրիկ թեստավորում,
• հաջորդ դասընթացի նյութերի տրամադրում:

 Դուրս գրման հաճելի պահերը

Դաս առաջին

• արտաքին և ներքին սեռական օրգանների կառուցվածքը, հղիությամբ պայմանավորված ֆիզիոլոգիական փոփոխությունները,
• տեղեկություն կնոջ և տղամարդու սեռական բջիջների, բեղմնավորման, արգանդում պտղի զարգացման մասին,
• հղիության առաջին նշանները, հղիության փուլերը, պտղի զարգացումն` ըստ ամիսների, ընկերքի, հարպտղային ջրերի դերը հղիության ժամանակ,
• հղիության ռիսկի գործոնները.
  - ի՞նչ են ռիսկի գործոնները,
  - ծնողների առողջության հնարավոր ազդեցությունն ապագա երեխայի առողջության վրա,
  - ծնողների կողմից խմելու, ծխելու, թմրանյութերի, թույների  օգտագործման վտանգները,
  - անբարենպաստ պայմանների (արտադրական, դեղեր, վարակ, ճառագայթ) ազդեցությունը պտղի զարգացման վրա,
  - ժառանգականությունը,
  - հղիության բարդությունները:

• բժշկական հսկողության բովանդակությունը.
  - հղիի կանանց կոնսուլտացիա վաղ դիմելու անհրաժեշտությունը,
  - մանկաբարձ-գինեկոլոգի մոտ այցերի հաճախականությունը,
  - հղիության ընթացքում բժշկական հետազոտություններն անհրաժեշտ ծավալով անցկացնելու կարևորությունը,
  - ծանոթություն մոր և պտղի հսկողության իրականացման ժամանակակից գործիքային մեթոդների հետ,
  - հղիների ուսուցում` հղիության զարգացման և պտղի վիճակի գնահատման հատուկ թեստերի օգնությամբ:

Դաս երկրորդ

• հղիության ընթացքում հիգիենայի կանոնների պահպանումը.
  - խորհուրդներ առողջ սննդի, առողջ ապրելակերպի, վտանգավոր սովորություններից հրաժարվելու, աշխատանքի բարենպաստ պայմանների մասին,

• սնուցում,
• անձնական հիգիենա,
• հիգիենիկ մարմնամարզության դերը հղիության ընթացքում,
• հղիի հոգեհուզական վիճակի առանձնահատկությունները,
• ֆիզիկական վարժությունների համալիրներ՝ կախված հղիության ժամկետից, հղիի վիճակից, հղիության ընթացքի առանձնահատկություններից:

            Դաս երրորդ

• ծննդաբերության օրացույցային ժամկետները,
• առանց վախի ծննդաբերության նախապատրաստում,
• ծննդաբերության նախանշանները.
  - ծննդաբերող կնոջ զգացողությունները,
  - կծկանքները, դրանց տևողությունը և պարբերականությունը,
  - կնոջ վարքագիծը տանը՝ ծննդաբերական գործունեությունը սկսելու ժամանակ:

• ծննդաբերության փուլերը և դրանց տևողությունը.
  - սեռական համակարգում կատարվող գործընթացները ծննդաբերության առաջին, երկրորդ և երրորդ շրջաններում,
  - ծննդաբերության ժամանակ ծննդաբերողի առաջատար դերի մասին,
  - ծննդաբերոթյունը որպես աշխատանք, այլ ոչ թե հիվանդություն ընկալումը,
  - արգանդի պարանոցի բացման գործընթացը, պտղապարկի դերը, պտղաջրերի նշանակությունը,
  - ծննդաբերության շրջաններում ծննդաբերության մեխանիզմների, բնորոշ զգացողությունների, ցավազրկման մեթոդների մեկնաբանություն,
  - ծննդաբերողի ռացիոնալ դիրքեր ճիգերի շրջանում, դրանց ֆիզիոլոգիական էությունը:

• վարքը ծննդաբերության ժամանակ.
  - ճիշտ սնվելը,
  - միզապարկը հաճախակի դատարկելը,
  - անհանգիստ վարքի, ճչալու, տագնապների, շունչը պահելու վատնգավորությունը  պտղի և արգանդի նորմալ գործառույթների ժամանակ,
  - կրկնածինների մոտ նախորդ ծննդաբերության բացասական հիշողությունների վերլուծություն,

• ծննդաբերությունից հետո առաջին ժամերին ծնարանում երեխային կրծքին վաղ մոտեցնելու նշանակությունը,
• բուժական մարմնավարժություն հետծննդյան շրջանում,
• հակաբեղմնավորիչների ընդունում հետծննդյան շրջանում,
• մայրության օրենսդրական իրավունքները:

Դաս չորրորդ

• հետծննդյան շրջանում կատարվող փոփոխությունները,
• հետծննդյան շրջանում որոշ հոգեբանական խնդիրների հաղթահարման միջոցները,
• ծննդկանի անձնական հիգիենան,
• հասուն և անհաս նորածինների անատոմիա-ֆիզիոլոգիական առանձնահատկությունները,
• նորածնի հորմոնային կրիզ,
• մոր և նորածնի համատեղ կացության նշանակությունը` ծննդատանը,
• անձնական հիգիենայի պահպանման կաննոները նորածնի հետ շփման և կերակրման ժամանակ,
• երեխային` կրծքի մոտեցման տեխնիկան,
• ծննդատանը և դուրս գրվելիս նորածնի հագուստի վերաբերյալ խորհուրդներ,
• պատվաստանյութերի, պատվաստումների և կառավարելի վարակիչ հիվանդությունների մասին ընդհանուր տեղեկատվություն:

Դաս հինգերորդ

• երեխայի խնամքն ընտանիքում, նորածնի համար նախատեսված հատուկ անկյան պատրաստում,
• երեխայի խնամքի առարկաները,
• երեխայի խնամքի կանոնները.
  - երեխայի հարդարանքը և լողացնելը,
  - մաշկի և պորտի վերքի խնամքը,
  - ազատ բարուրում,
  - օրվա ռեժիմ,

• նորածնի կերակրում.
  - կրծքով կերակրման դերը երեխայի առողջության համար,
  - երեխայի հսկողական կերակրման դերը կրծքով կերակրման ժամանակ,
  - երեխայի խմելու հեղուկները,
  - արհեստական սնուցում,

• վնասակար գործոնների ազդեցությունը երեխայի առողջության վրա,
  - արգելել վնասակար սովորությունները՝ ծխելը, խմելը, թմրանյութերի , թույների օգտագործումն ընտանիքում,

• խորհուրդներ և բժշկական խորհրդատվությանը դիմելու ուսուցում,
  - նորածնի մարմնի վարժությունների տարրերը, մերսման ձևերը,
  - մարմնի ջերմաստիճանի չափման տեխնիկան,
  - մաքրող հոգնայի և գազերի դուրսբերման խողովակի օգտագործում,
  - ջեռակի օգտագործում, տաքացնող կոմպրեսների կիրառում,
  - բժիշկի նշանակումով դեղեր տալու նախապատրաստումն ու տեխնիկան, ինքնաբուժության վտանգը:

Դաս վեցերորդ

28 շաբաթ հեստացիոն հասակից սկսած բոլոր հղիները պետք է մասնակցեն կրծքով սնուցմանը վերաբերող դասընթացին.

• կրծքով սնուցման առավելությունները,
• մոր և նորածնի հետծննդյան վաղ շփման և կրծքով սնուցման վաղ սկզբի կարևորությունը,
• համատեղ տեղակայման և ըստ պահանջի կերակրման կարևորությունը,
• երեխային կյանքի առաջին 6 ամսում բացառապես կրծքով կերակրելու և մինչև 2 տարեկան կրծքով սնուցման շարունակելու կարևորությունը,
• կաթնարտադրության կարգավորում,
• երեխայի դիրքը կրծքի մոտ,
• բավարար կաթնարտադրության կարգավորում:

Դաս յոթերորդ

• ֆիզիկահոգեբանական պատրաստման պարապմունքներ.
  - ՍԱՀ, թոքային, երիկամային և այլ համակարգերի հիվանդություններով հղիների համար,
  - Հղիության բարդություններով հղիների համար: