Կենտրոնի ծննդաբերական բաժանմունքում մեկ տարվա ընթացքում կատարվում է 3000-ից ավել ծննդալուծում: Օգնությունն իրականացվում է շուրջօրյա՝ բժիշկների բարձրակարգ բրիգադների կողմից: Հնարավոր է նաև հիվանդայցելուների կողմից բժշկի անհատական ընտրություն:
Ծնունդներն ընդունվում են առանձնացված ծնարաններում՝ բժշկի և մանկաբարձուհու անընդմեջ հսկողության ներքո: Յուրաքանչյուր ծնարանը հաշվարկված է մեկ ծննդաբերի համար:
Ծննդաբերական բաժանմունքը մոր և պտղի վիճակի անընդմեջ հսկման համար հագեցված է ժամանակակից սարքավորումներով՝ այդ թվում գերձայնային հետազոտության սարքով:
Ծննդաբերի ցանկությամբ և հակացուցումների բացակայության դեպքում ծննդալուծումը կարող է անցկացվել էպիդուրալ (վերկարծրենային) կամ պերիդուրալ (շուրջկարծրենային) անզգայացմամբ, ինչն օժտված է ցավազրկող բարձր արդյունավետությամբ, և ընկճող ազդեցություն չունի մոր և պտղի վիճակի, ծննդաբերական գործունեության վրա: Երկարատև էպիդուրալ ցավազրկումը իրականացնում են բարձր որակավորում ունեցող անեսթեզիոլոգները:
 |
 |
Ծննդաբերության ժամանակ հոգեբանական աջակցություն կարող են իրականացնել հարազատները և մտերիմները, որոնց ընտրում է ինքը՝ հղի կինը: Մեր ծնարաններում ստեղծված են առավելագույնս հարմարավետ պայմաններ: Հղին ակտիվ և ազատորեն տեղաշարժվում է, ընտրելով կծկանքների ժամանակ իր համար առավել հարմար դիրք: Ծննդաբերությունից անմիջապես հետո նորածինը դրվում է մոր որովայնին և իրականացվում է վաղ մոտեցում կրծքին:
ՄՄԱՊԳՀԿ-ի ծննդաբերական բաժանմունքում բարձրորակ օգնություն ցուցաբերվում է ոչ միայն առողջ, այլև բարձր ռիսկի խմբի կանանց, այսինքն էքստրագենիտալ (արտասեռական) ախտաբանությամբ հղիներին (սիրտ-անոթային, էնդոկրին (ներզատաբանական), միզային, նյարդային, շնչառական համակարգերի, գերճնշումային հիվանդություններով և այլն) և մանկաբարձական ու գինեկոլոգիական ախտաբանությամբ (հեստոզ, սակավարյունություն, ֆետո-պլացենտար (պտուղ-ընկերքային) համակարգի հիվանդություններով, կյանքի վերհուշության (անամնեզի) մեջ չբերություն, արգանդի միոմա, ձվարանների ուռուցքներ և այլն) ունեցող հղիներին:
 |
 |
Մոր և պտղի կողմից որոշակի ցուցումների դեպքում կատարվում է կեսարյան հատում: Կեսարյան հատման ժամանակ անզգայացման մեթոդը ընտրվում է անեսթեզիոլոգի կողմից՝ հաշվի առնելով ծննդաբերի և պտղի վիճակը, ինչպես նաև կնոջ ցանկությունը:
Ծննդաբերական բաժանմունքում իրականացվում է նաև «ծննդաբերություն ջրում»: Հատուկ լոգարանը թույլ է տալիս կնոջը ծննդաբերության առաջին շրջանն անցկացնել տաք ջրում, որն ապահովում է ռելակսացիա (թուլացում), ցավազրկում և բարելավում է արգանդ-ընկերքային արյունաշրջանառությունը:
Լևոն Հակոբի Հակոբյան
Ծննդաբերական բաժանմունքի վարիչ
բ․գ․թ․
մանկաբարձ-գինեկոլոգ
Արթուր Ռազմիկի Ավետիսյան
մանկաբարձ-գինեկոլոգ
Ծննդօգնության ծառայության ղեկավար
Արմեն Ռաֆայելի Բադալյան
մանկաբարձ-գինեկոլոգ
բ․գ․թ․
Զարուհի Գառնիկի Օրբելյան
մանկաբարձ-գինեկոլոգ
բ․գ․թ․
Էմիլ Վարդանի Գևորգյան
մանկաբարձ-գինեկոլոգ
Նաիրա Մելիքսեթի Արոյան
մանկաբարձ-գինեկոլոգ
Սոնա Աբելի Աբելյան
մանկաբարձ-գինեկոլոգ
բ․գ․թ․
Սուրեն Իլյայի Ազիզյան
մանկաբարձ-գինեկոլոգ
բ․գ․թ․, դոցենտ
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский